ზურაბ მარშანია - ექიმი სექსოლოგი, მედიცინის აკადემიური დოქტორი, საქართველოს ეროვნული უნივერსიტეტი - სეუ-ს მედიცინის ფაკულტეტის სექსოლოგიის სრული პროფესორი, ევროპის სამედიცინო სექსოლოგიის საზოგადოებასთან (European Society for Sexual Medicine) აფილირებული ეროვნული საზოგადოების (National Affiliated Society) - საქართველოს სამედიცინო სექსოლოგიის საზოგადოების პრეზიდენტი, საქართველოს საბუნებისმეყველო მეცნიერებათა აკადემიის ნამდვილი წევრი. სექსოლოგ - კლინიცისტად მუშაობა დაიწყო 1988 წელს ი.ჟორდანიას სახ. სამეცნიერო კვლევით ინსტიტუტში. ამჟამად კლინიკურ პრაქტიკას (პაციენტების ამბულატორიულ მიღებას) აგრძელებს "ზურაბ მარშანიას სამედიცინო სექსოლოგიის კაბინეტში". ზურაბ მარშანიამ საქართველოში, აშშ-ში, ესპანეთში, პორტუგალიაში, თურქეთში, შვედეთში, დანიაში, ესტონეთში და უკრაინაში გამოაქვეყნა მრავალი ათეული სამეცნიერო ნაშრომი და გააკეთა მოხსენებები საერთაშორისო კონფერენციებზე, ხოლო ქალისა და მამაკაცის სექსუალური დისფუნქციების საკითხებზე საჯარო ლექციების წასაკითხად, მიწვეული იყო ჩეხეთის, უნგრეთისა და სლოვენიის რესპუბლიკებში. ზ.მარშანია პოლიტიკურ მეცნიერებათა დოქტორიცაა, 1998 წელს მინიჭებული აქვს საგანგებო და სრულუფლებიანი დესპანის დიპლომატიური რანგი და წლების განმავლობაში ხელმძღვანელობდა საქართველოს დიპლომატიურ მისიებს ბალტიის ქვეყნებსა და უკრაინაში.